मदनपुर । मध्यबिन्दु नगरपालिका– ४ स्थित नव युवा मदनपुर समूहले आउँदो अनन्त चतुर्दशीको पावन अवसरमा परम्परागत खेल तथा संस्कृति संरक्षण गर्ने उद्देश्यले खुला वार्डस्तरीय महिला तथा पुरुष भोदी प्रतियोगिता आयोजना गर्ने भएको छ। समूहका अध्यक्ष गेनराम महतोका अनुसार प्रतियोगिता यही २०८२ साल भाद्र २० गते मदनपुरमा आयोजना हुनेछ।
दर्ता विवरण
पुरुष तर्फ दर्ता शुल्क: रु १,०००
महिला तर्फ दर्ता शुल्क: रु ५००
दर्ता मिति: २०८२ भाद्र १८ गतेसम्म
दर्ता स्थल: पञ्च पाण्डव मन्दिर चोक
पुरस्कार राशी
पुरुष तर्फ : प्रथम – रु १०,०००, द्वितीय – रु ५,०००, तृतीय – रु २,०००
महिला तर्फ : प्रथम – रु ५,०००, द्वितीय – रु ३,०००, तृतीय – रु २,०००
प्रतियोगितामा प्रत्येक टिममा १२ खेलाडी रहनेछन्। खेल १० मिनेटको हुनेछ र तोकिएको समयमा बढी काँचा ९लाठी० निकाल्ने टिम विजेता ठहरिनेछ। बराबरी भएमा अतिरिक्त ५ मिनेट खेलाइने छ।
समूहले खेलाडीलाई खेल अघि नियमबारे जानकारी दिने जनाएको छ। खेल अवधिमा सामान्य चोटपटक भएमा आयोजकले प्राथमिक उपचार गर्नेछन् तर अन्य जोखिम खेलाडी स्वयं जिम्मेवार हुनेछन्।
आयोजकले थप जानकारीका लागि लिला राम महतो ९८०७५२६१२२० वा चोप बहादुर महतो ९८०८३४७१८१० लाई सम्पर्क गर्न आग्रह गरेका छन्।