नवलपुरमा खोलामा डुबेर बालिकाको मृत्यु

नवलपुर न्युज

२०८२ जेष्ठ २४, शनिबार प्रकाशित ( ६ दिन अघि) १४६९ पाठक संख्या

चोरमारा । विनयी त्रिवेणी गाउँपालिका–५ देउरालीमा खोलामा डुबेर एक बालिकाको ज्यान गएको छ।

स्थानीय विनयी खोला र खग्रास खोलाको दोभानमा पौडी खेल्ने क्रममा उमादेवी रखालकी आठ वर्षीया छोरी रोषना रखाल डुबेर मृत्यु भएको जिल्ला प्रहरी कार्यालय नवलपुरका प्रवक्ता प्रहरी नायब उपरीक्षक (डीएसपी) मधु नेपालले जानकारी दिए। उनका अनुसार रोषना केही साथीहरूसँगै पौडी खेल्न खोलामा गएकी थिइन्।

सोही क्रममा डुबेर अचेत भएकी उनलाई स्थानीयले उद्धार गरी मध्यविन्दु प्रादेशिक अस्पताल डण्डा लगिएको थियो। तर चिकित्सकले उनलाई मृत घोषणा गरेका थिए । घटनाबारे थप अनुसन्धान भइरहेको प्रहरीले जनाएको छ।