हुप्सेकोटमा तस्करको आक्रमणबाट नगर प्रहरी सख्त घाइते

नवलपुर न्युज

२०८० भाद्र १९, मंगलबार प्रकाशित (१ साल अघि) १८३६ पाठक संख्या

नारायण शर्मा

पूर्वी नवलपरासी । हुप्सेकोट गाउँपालिकाको खोलामा ड्युटीमा गएकी नगरप्रहरीलाई तस्करहरूको समूहले ढुंगा प्रहार गरेर सख्त घाइते बनाएका छन् ।

हुप्सेकोटका प्रमुख प्रशासकीय अधिकृत टंकनाथ घिमिरेका अनुसार खोलामा अवैध ढुंगा गिटी चोरी भइरहेको भन्ने सूचनाका आधारमा गिरुबारी खोलामा ड्युटीमा खटिएकी नगर प्रहरी जवान यममाया मल्ललाई तस्करहरूले ढुंगाले हानेर घाइते बनाएका हुन् ।

उनको भरतपुरस्थित मेडिकल कलेजमा उपचार हुन नसकेपछि काठमाडौं पठाइएको छ । ‘टाउकोमा गम्भीर चोट भएकाले काठमाडौं पठाइयो,’ घिमिरेले भने, ‘आक्रमणकारीको खोजी भइरहेको छ । यममाया मल्ल पालिकाले नियुक्त गरेकी नगर प्रहरी जवान हुन् । आक्रमणबारे तत्काल जिल्ला प्रहरीलाई खबर गरिएको थियो ।