२०७९ भाद्र ३, शुक्रबार
नयाँ
पछिला अपडेट

दाउन्ने डाँडाबाट सेनाको सुरक्षा हटाइयो

२०७५ पौष ६, शुक्रबार प्रकाशित ( साल अघि) ३७६ पाठक संख्या

नवलपरासी, पुस , पूर्वी नवलपरासीको दाउन्ने डाँडा द्वन्द्वकालमा दाउन्नेमा रहेको रिपिटर टावरको सुरक्षाका लागि खटिएको नेपाली सेना शान्ति सुरक्षाको कुनै जोखिम नभएको भन्दै हटाइएको छ । जिल्ला सुरक्षा समिति नवलपरासी (बर्दघाट सुस्ता पूर्व) को निर्णयअनुसार नेपाली सेनाले आफ्नो जिम्मेवारी बरबुजारत गरी दाउन्नेबाट बाहिरिएको हो । हाल देशमा शान्ति सुरक्षा कायम भएको र त्यहाँ उपलब्ध जनशक्ति टावरको सुरक्षाका लागि पर्याप्त रहेको भन्दै बर्दघाट सुस्ता पूर्वका प्रमुख जिल्ला अधिकारी दीपकराज नेपालको अध्यक्षतामा बसेको तीनवटै सुरक्षा निकायका प्रमुखसहितको बैठकले दाउन्ने डाँडामा रहेको नेपाली सेनालाई हटाउने निर्णय गरेको थियो ।

हाल प्रदेश नम्बर ४ अन्तर्गत बर्दघाट सुस्तापूर्वको विनयी त्रिवेणी गाउँपालिका–२ मा पर्ने दाउन्ने डाँडामा नेपाल टेलिकमका चार जना, रेडियो नेपालका चार जना, सशस्त्र प्रहरी बलका दुई जना र जनपथ प्रहरीका दुई जना रिपिटर टावर सुरक्षार्थ खटिँदै आएका छन् । हाल रेडियो नेपाल, नेपाल टेलिभिजन र नेपाल टेलिकमका कर्मचारीसँगै त्यहाँस्थित जनपथ प्रहरी र सशस्त्र प्रहरी पर्याप्त रहेको उल्लेख गर्दै जिल्ला सुरक्षा समितिको बैठकले नेपाली सेना हटाउने निर्णय गरेको थियो । रासस

प्रकाशित मिति : ६ पुष २०७५, शुक्रबार

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित

प्रतिक्रिया दिनुहोस