डिएसपी राजकुमार केसीको कोरोना संक्रमणबाट निधन

नवलपुर न्युज

२०७८ जेष्ठ ६, बिहिबार प्रकाशित ( ५ साल अघि) १०७६ पाठक संख्या

काठमाडौं । नेपाल प्रहरीका डीएसपी राजकुमार केसीको निधन भएको छ ।

कोरोना संक्रमण देखिएपछि १५ दिनअघि प्रहरी अस्पतालमा भर्ना भएका उनको निधन भएको हो ।

उनलाई कोरोना संक्रमण देखिएपछि महराजगञ्ज स्थित प्रहरी अस्पतालमा भर्ना गरिएको थियो।

तर उपचारको क्रममा बुधबार राति मृत्यु भएको अस्पताल स्रोतले जनाएको छ।

मृतक केसी महानगरीय प्रहरी परिसर काठमाडौंमा कार्यरत थिए।

काठमाडौको मूलपानी स्थायी घर भएका केसी एक वर्ष अघि मात्रै परिसरमा सरुवा भएर आएका थिए ।

आज संगठनले एक इमान्दार प्रहरी अफिसर गुमाएको छ।