२०८२ भाद्र १५, आईतबार
नयाँ
पछिला अपडेट

नवलपुरमा मृत अवस्थामा गैँडा फेला

२०८२ अषाढ २३, सोमबार प्रकाशित ( महिना अघि) १११४ पाठक संख्या

नवलपुर । नवलपुर जिल्लाको विनयी त्रिवेणी गाउँपालिका–१ स्थित ज्यामिरे खोलाको किनारमा एक भाले गैँडा मृत अवस्थामा फेला परेको छ। जिल्ला प्रहरी कार्यालय नवलपुरका अनुसार अन्दाजी १५ वर्षको सो गैँडा १ देखि २ महिना अगाडि नै मरेको अनुमान गरिएको छ।

गैँडा मृत अवस्थामा फेला परेको जानकारी प्राप्त भएलगत्तै इलाका प्रहरी कार्यालय दुम्किबासबाट प्रहरी निरीक्षक राजन प्रसाद तिम्सिनाको कमाण्डमा पाँच जनाको प्रहरी टोली घटनास्थलतर्फ खटिएको थियो।

जिल्ला प्रहरी कार्यालयका सूचना अधिकारी तथा प्रहरी नायव उपरीक्षक मधु नेपालका अनुसार चितवन राष्ट्रिय निकुञ्जका कर्मचारीमार्फत फोनमार्फत सूचना प्राप्त भएपछि अनुसन्धानको प्रक्रिया अघि बढाइएको हो।

मृत गैँडा फेला परेको स्थान इलाका प्रहरी कार्यालय दुम्किबासदेखि करिब ३ किलोमिटर दक्षिणमा पर्ने बताइएको छ। हाल घटनाबारे थप अनुसन्धान भइरहेको प्रहरीले जनाएको छ।

तपाइंलाई यो खबर पढेर कस्तो लाग्यो? मन पर्यो
मन पर्यो खुशी अचम्म उत्साहित दुखी आक्रोशित
१%३%२%

प्रतिक्रिया दिनुहोस