नवलपरासीमा स्कुल बस दुर्घटना हुँदा विद्यार्थीसहित २० जना घाइते

नवलपुर न्युज

२०८१ चैत्र १३, बुधबार प्रकाशित ( ८ महिना अघि) १४२२ पाठक संख्या

कावासोती । पश्चिम नवलपरासीको बर्दघाटमा स्कुल बस र यात्रुबाहक बस ठोक्किँदा १४ विद्यार्थीसहित २० जना घाइते भएका छन्।

बर्दघाटस्थित चिसापानी अस्पतालअगाडि बुधबार बिहान भएको दुर्घटनामा भुताहस्थित ग्लोबल एकेडेमीको लु १ ख ८७० नम्बरको स्कुल बसलाई अर्को यात्रुबाहक बसले ठक्कर दिएको प्रहरीले जनाएको छ।

इलाका प्रहरी कार्यालय, बर्दघाटका अनुसार दुर्घटनामा परेका १४ विद्यार्थी र ६ जना अन्य यात्रुको स्थानीय अस्पतालमा उपचार गरिएको छ। सबै घाइतेको अवस्था खतरामुक्त रहेको प्रहरीले जनाएको छ। दुर्घटनाको थप अनुसन्धान भइरहेको प्रहरीले जनाएको छ।