नवलपुरमा सवारी दुर्घटनामा मुगु जिल्ला समन्वय समितिका प्रमुख घाइते

नवलपुर न्युज

२०८१ पौष २५, बिहिबार प्रकाशित ( ७ महिना अघि) ३९७ पाठक संख्या

कावासोती – नवलपुरको कावासोती-१६ स्थित चालिस किलो जंगलमा आज एक सवारी दुर्घटना भएको छ । बाग्मती प्रदेश ०६-००१ ख ०२३१ नम्बरको खाली टिपर र काठमाण्डौंबाट मुगु तर्फ जाँदै गरेको सुमो गाडी एक आपसमा ठक्कर खाँदा मुगु जिल्ला समन्वय समितिका प्रमुख मन्जन कार्की घाइते भएका छन्।

दुर्घटनामा ५० वर्षीय मन्जन कार्कीको टाउकोमा चोट लागेको र उहाँको अवस्था मध्यम रहेको प्रहरीले जानकारी दिएको छ । उहाँसँगै गाडी चालक भविरा कार्की जो मुगु सोरु-३ का निवासी हुन्, उनी पनि घाइते भएका छन्। दुबै जनाको उपचार नजिकैको मध्यविन्दु जिल्ला अस्पतालमा भइरहेको छ।