मध्यविन्दु नगरपालिकालाई भलिबल उपाधि

नवलपुर न्युज

२०८० कार्तिक ४, शनिबार प्रकाशित ( २ साल अघि) १०४० पाठक संख्या

कावासोती । देवचुलीमा आयोजित तेस्रो स्व.गोपाल सिं.भक्तिसरा लुंगेली स्मृति खुला भलिबल तथा दोस्रो महिला खुला भलिबल प्रतियोगितामा महिलातर्फ मध्यबिन्दु नगरपालिका बिजेता भएको छ ।

मध्यबिन्दु नगरपालिकाले नगद १० हजार रुपैयाँ सहित मेडल,ट्रफि र प्रमाणपत्र प्राप्त गरेको छ भने उप बिजेता देवचुली नगरपालिकाले नगद ५ हजार रुपैयाँ सहित मेडल,ट्रफि र प्रमाणपत्र प्राप्त गरेको हो ।

दियो जनसेवा क्लबको आयोजनामा संचालित प्रतियोगितामा पुरुष तर्फ देवचुली ९ विशालटारले कावासोती १५ बरौलीलाई ३-२ को सेटले विजयी भएको हो  भने महिला तर्फ मध्यबिन्दु नगरपालिकाले देवचुली नगरपालिकालाई ३-० को सोझो सेटले पराजित गरेको छ ।

पुरुषतर्फ प्रतियोगिताको बिजेता देवचुली ९ विशालटारले नगद ४० हजार रुपैयाँ सहित मेडल,ट्रफि र प्रमाणपत्र प्राप्त गरेको छ भने उप बिजेता कावासोती १५ बरौलीले नगद २५ हजार रुपैयाँ सहित मेडल, ट्रफि र प्रमाणपत्र प्राप्त गरेको छ । त्यसै गरि तृतीय हुने देवचुली १६ ले नगद १५ हजार रुपैयाँ सहित मेडल, ट्रफी र प्रमाणपत्र प्राप्त गरेको छ ।

प्रतियोगिताका बिजेता,उपबिजेताहरुलाई गण्डकी प्रदेश सभा सदस्य रोशन बहादुर गाहा मगर,जिल्ला समन्वय समिति नवलपुरका प्रमुख बाबुराम विश्वकर्माले पुरस्कार वितरण गर्नुभएको थियो।