फोहोरलाई मोहरमा परिणत गर्दै मध्यविन्दु नगरपालिका

नवलपुर न्युज

२०८० अषाढ २२, शुक्रबार प्रकाशित ( २ साल अघि) ९२९ पाठक संख्या

चोरमारा । मध्यबिन्दु नगरपालिकाको आयोजनामा प्रदुषण न्युनिकरण,फोहोर व्यवस्थापन तथा जैविक मल उत्पादन सम्बन्धि सार्वजानिक सुनुवाई कार्यक्रम शुक्रबार सम्पन्न भएको छ ।

नगरलाई स्वस्छ,सफा सुन्दर नगर बनाउदै फोहोरलाई मोहोरमा बदल्न नगरपालिका लागी परेको नगरपालीकाका नगर प्रमुख भिमलाल अधिकारीले बताउनुभयो ।

अधिकारीले अवका भावि पिडिका लागी भए पनि अब हामी सबै लागी पर्दै फोहोर ब्यवस्थापनमा सहयोग पुर्याउन नगरबासिलाई अनुरोध समेत  गर्नुभयो ।

फोहोर व्यवस्थापनको सुरुवादि अवस्थामा नगरपालिका भित्र बिभिन्न कार्यहरु अगाडि बढाउदै फोहोर संकलन समितिले वडा न: ११ मा फोहोर संकलन केन्द्को स्थापना गदै फोहोरलाई मोहरमा परिणत गर्नका निमित्त विभिन्न कामहरु गरेको कार्यक्रम संयोजक टिकाराम भुसालले बताउनुभयो ।

हाल नगरले फोहोरलाई कुहिने र नकुहिने फोहोर छुट्टाई त्यसबाट प्राङ्गारिक मल बनाएको छ । फोहोरलाई मोहोरमा परिवर्तन गदै केहि नगरबासिलाई रोजगारी समेत दिएको भुसालले बताउनुभयो ।

मध्यबिन्दु नगरपालिका भित्र अहिले वडा नं ७,९,८ र ११ गरि केहि वडाहरुले सेवा लिएका छन् । भने अव यसलाई व्यवस्थापन गरी पुरै नगरभरी कार्यक्रम संचालन गर्ने योजना रहेको बताईएको छ ।

उक्त कार्यक्रममा मध्यबिन्दु नगरपालिकाका प्रशासकिय अधिकृत ज्ञानु प्रसाद पनेरु, कृषि शाखाका प्रमुख अक्षय वाग्ले ,पशुसेवा शाखाका प्रमुख ज्ञान प्रसाद भटराई , बिभिन्न वडाका वडा अध्यक्षहरु तथा जनप्रतिनिधि लगाएत स्थानिय बासिहरुको उपस्थिति रहेको थियो ।

उक्त कार्यक्रकोे संचालन भने पत्रकार दयाराम आचार्यले गर्नुभएको थियो  । कार्यक्रमको समापन भने कार्यक्रमका अध्यक्ष भिमलाल अधिकारिले गर्नु भएको हो ।