कोल्हुवा खानेपानी किस्ताबन्दीमा धारा जडान गर्न सकिने

नवलपुर न्युज

२०८० अषाढ २२, शुक्रबार प्रकाशित ( २ साल अघि) ६६२ पाठक संख्या

कोल्हुवा । धारा जडान गर्दा लाग्ने ४० प्रतिशत रकम बुझाए बाँकी रकम ३ महिनाको किस्ताबन्दीमा बुझाउन सकिने भएको छ ।

मध्यविन्दुमा अवस्थित कोल्हुवा खानेपानी तथा सरसफाइ उपभोक्ता संस्थाले खानेपानी जडान गर्दा लाग्ने ८ हजार ५०० रुपैयाँ रकम मध्ये ३ हजार ५०० रुपैयाँ शुरुमा बुझाउनुपर्ने र बाँकी ५ हजार रुपैयाँ किस्ताबन्दीमा बुझाउन सकिने प्रावधान बनाएको हो ।

दोस्रो कित्ता स्वरुप बाँकी रकम ३ हजार ५०० भाद्र मसान्तभित्र र बांकी अन्तिम रकम १ हजार ५०० असोज मसान्त भित्र भूक्तान गर्न सकिने र धारा जोड्दाको समान भने स्वयं आफैले व्यहोर्नुपर्ने संस्थाले जनाएको छ ।

संस्थाले अति निम्न आय भएका परिवार, सार्वजनिक मठ मन्दिर, विद्यालय र गैरनाफामुलक संघ संस्थालाई समेत वडा कार्यालयको सिफारिस तथा संस्थाको अनुगमन र निर्णयमा सहुलियत मुल्यमा धारा जडान गर्दै आएको छ ।

‘धारा जडान शुल्क ८ हजार ५०० रुपैयाँ लाग्छ, तर तत्काल जडान शुल्क जम्मा गर्न नसक्ने उपभोक्ताले प्रथम पटक ३ हजार ५०० रुपैयाँ बुझाएर बाँकी रकम किस्ताबन्दीमा तिर्न सक्नुहुन्छ’ कोल्हुवा खानेपानी उपभोक्ता तथा सरसफाइ संस्थाका कार्यवाहक अध्यक्ष सुभाष नेपालले भन्नुभयो ‘जडान शुल्क बुझाउन नसक्दा खानेपानी नै उपलब्ध नगराउने भन्ने कुरा पनि आएन, त्यसैले बाँकी रकम किस्ताबन्दीमा बुझाउन सकिने प्रावधान सहित धारा जडान गर्न सकिने सुविधा राखिएको हो । यो सुविधा असार मसाअन्तर सम्म मात्र लागु हुने उहाँले बताउनुभयो ।

यस अघि इनार, चापगलबाट पानी पिउन बाध्य भएका यहाँका बासिन्दाहरुले चापगलबाट पानी पिउँदा दुषित पानी पिउनु परेको गुनासो गर्ने गर्दथे । मध्यविन्दु नगरपालिका १, २ र ३ गरी ३ वटा वडालाई लक्षित गरी खानेपानी सञ्चालन गरिएको छ । सो उपभोक्ता संस्थाको हाल सम्म करीब १७ सय घरधुरीका उपभोक्तालाई स्वस्थ पानी खुवाएको छ ।