चैते धानको क्षेत्रफल बढ्दो

नवलपुर न्युज

२०७९ फागुन ५, शुक्रबार प्रकाशित ( २ साल अघि) ७६५ पाठक संख्या

चितवन । जिल्लामा चैते धान लगाउने क्षेत्रफल बढेको छ । कृषि ज्ञानकेन्द्र भरतपुरका अनुसार गत आर्थिक वर्षको तुनामा यस वर्ष चैते धान लगाउने क्षेत्रफल बढेको हो । कार्यालयका अनुसार गत आर्थिक वर्षमा ७ हजार ५७३ हेक्टर क्षेत्रफलमा चैते धान खेती गरिएकोमा यस वर्ष ७ हजार ८ सय हेक्टर पुगेको हो ।

कार्यालयका सूचना अधिकारी मिन वहादुर पुनका अनुसार जिल्लाको भरतपुर महानगरपालिकाका केही क्षेत्र, खैरहनी र माडी नगरपालिकामा चैते धान खेती हुँदै आएको छ । भरतपुर महानगरपालिका र खैरहनी नगरपालिकामा ६ हजार ४ सय हेक्टर क्षेत्रफल र माडी नगरपालिकामा १ हजार ४ सय हेक्टर क्षेत्रफलमा धान खेती हुदै आएको छ ।

जिल्लमा हर्दिनाथ हाइब्रिड १ र चैते ५ उन्नत जातको धान खेती गरिदैं आइएको छ । हर्दीनाथ हाइव्रिड जिल्लाको २५ प्रतिशत क्षेत्रमा लगाईने गरेको उहाँले बताउनुभयो । चैते धानमा सरकारको सहयोग हुनु र प्रयाप्त सिचाईका कारण क्षेत्रफल बढेको उहाँले जानकारी दिनुभयो । ज्ञान केन्द्रले चैते धान प्रबर्धन कार्यक्रम अन्तर्गत २५० हेक्टर क्षेत्रफलमा खेती गरिएको छ ।

उहाँले भन्नुभयो “चैते धान प्रबर्धनका लागि राज्यको सहयोग हुनुले यसको क्षेत्रफल बढेको हो ।”