नारायणी नदी पुलबाट हाम फाल्न लागेका पुरुषको प्रहरीद्वारा उद्धार

नवलपुर न्युज

२०८२ श्रावण १६, शुक्रबार प्रकाशित ( ७ महिना अघि) ७५८ पाठक संख्या

नवलपुर । एकै दिन नारायणी नदीमा हाम फालेर दुई जना वेपत्ता भएको तीन दिनपछि पुनः एक जना पुरुषले नदीमा हाम फाल्ने प्रयास गरेका छन्। गैँडाकोट नगरपालिका–२ स्थित नारायणी नदीको पुलबाट हाम फाल्न लागेका भरतपुर महानगरपालिका–४ निवासी ५४ वर्षीय पुरुषलाई प्रहरीले सकुशल उद्धार गरेको हो।

प्रहरीले ती व्यक्तिको नाम र ठेगाना गोप्य राखेको छ। उनलाई उद्धारपछि आफन्तको जिम्मा लगाइएको जिल्ला प्रहरी कार्यालयका सूचना अधिकारी प्रहरी नायब उपरीक्षक ९डीएसपी० मधु नेपालले जानकारी दिए।

यसअघि, गत बुधबार नारायणी नदीमा हाम फालेका गैँडाकोट नगरपालिका–५ कुसमुघाटका १५ वर्षीय आदेश श्रेष्ठ र नुवाकोटका ५९ वर्षीय मिठा गिरी अझै वेपत्ता रहेका छन्।