मध्यविन्दुमा नगरपालिका स्तरीय ब्याडमिन्टन प्रतियोगिता सुरु

नवलपुर न्युज

२०८२ जेष्ठ १६, शुक्रबार प्रकाशित ( ४ महिना अघि) ४२४ पाठक संख्या

कावासोती । मध्यविन्दु नगरपालिका स्तरीय ब्याडमिन्टन प्रतियोगिता आजदेखि सुरु भएको छ । नगरको १० नं: वडास्थित आरुङ्खोला ब्याडमिन्टन हलमा आयोजित उद्घाटन समारोहमा नगरप्रमुख भिमलाल अधिकारी प्रमुख अतिथि रहनुभएको थियो।

नगर खेलकुद विकास समितिको आयोजना तथा आरुङ्खोला ब्याडमिन्टन क्लबको सहकार्यमा सञ्चालित प्रतियोगिता दुई दिनसम्म ( आज र भोलि ) सञ्चालन हुनेछ। प्रतियोगितामा सहभागिता जनाउने खेलाडी तथा टोलिहरूले प्रतिस्पर्धा गर्ने छन्।

प्रतियोगिताका विजेतालाई नगद १५ हजार रुपैयाँसहित ट्रफी र प्रमाणपत्र प्रदान गरिनेछ । उपविजेताले १० हजार रुपैयाँ तथा तेस्रो हुने खेलाडी वा टोलिले ७,५०० रुपैयाँ नगदसहित सम्मान प्राप्त गर्ने आयोजकले जानकारी दिएका छन्।