गैंडाकोटमा कार दुर्घटना : तीन जना घाइते

नवलपुर न्युज

२०८२ बैशाख २५, बिहिबार प्रकाशित ( २ महिना अघि) ३०४ पाठक संख्या

कावासोती । नवलपुरको गैंडाकोट नगरपालिका–८, जयश्री पुल नजिकको पूर्व–पश्चिम राजमार्गमा बुधबार राति कार दुर्घटना हुँदा तीन जना घाइते भएका हुन्न ।

गोरखाबाट सुर्खेततर्फ जाँदै गरेको बा ३ च ७९८ नम्बरको कार साँझ करिब ९:२० बजे सडक छेउमा राखिएको गिटिको थुप्रोमा चढेपछि दुर्घटना भएको हो। दुर्घटनामा गोरखा सहिदलखन गाउँपालिका–७ का ५१ वर्षीय चालक एकलाल श्रेष्ठको घाइते भएका छन् ।

त्यस्तै, सवारीमा सँगै रहेका गोरखा नगरपालिका–११ का ६८ वर्षीय गंगालाल श्रेष्ठ र ५५ वर्षीया बिमला श्रेष्ठको निधारमा चोट लागेको प्रहरीले जनाएको छ। घाइते तीनैजनाको भरतपुरस्थित नयाँ मेडिकल कलेजमा उपचार भइरहेको छ।