दाउन्नेमा सडक चिप्लिएपछि बुटवल–नारायणगढ सडकखण्ड अवरुद्ध

नवलपुर न्युज

२०८२ बैशाख २१, आईतबार प्रकाशित (३ घण्टा अघि) १८२ पाठक संख्या

नवलपुर ।  बुटवल–नारायणगढ सडकखण्ड अन्तर्गत दाउन्ने क्षेत्रमा सवारी साधन चिप्लिने र उकालोमा स्लिप हुने घटना बढेपछि सडकमा सवारी आवागमन पूर्ण रूपमा बन्द भएको छ ।

वर्षाका कारण सडकमा हिलो जम्दा सवारी साधन फसेका छन्, जसले गर्दा बाटो दुबै तर्फबाट बन्द भएको हो।  प्रहरीका अनुसार दाउन्नेको उकालोमा सडक अत्यधिक चिप्लो र हिलोमय बनेको छ । ठूलो र भारी सवारी साधनहरू बीचमै फसेका कारण साना सवारी पनि अड्किएका छन्।

चिप्लो सडकका कारण केही सवारी साधन फस्दा सडकको दुबै दिशाबाट यातायात रोकिएको हो । प्रहरीले बाटो खुलाउन प्रयास जारी छ भने यात्रुहरुलाई तत्कालका लागि वैकल्पिक मार्ग प्रयोग गर्न अनुरोध गरिएको छ ।