नवलपरासी: देउसी भैलो टोलीको गाडी दुर्घटना, १० जना घाइते

नवलपुर न्युज

२०८१ कार्तिक १७, शनिबार प्रकाशित ( १ साल अघि) १२७२ पाठक संख्या

कावासोती । पश्चिम नवलपरासीको सुस्तामा शनिबार साँझ देउसी भैलो खेल्न जाने क्रममा एक पिकअप गाडी दुर्घटना भएको छ।

जिल्ला प्रहरीले दिएको जानकारी अनुसार, लु ३ च ६०३२ नम्बरको गाडी सुस्ताको गाउँपालिका वडा नम्बर ३ बिगेपमा दुर्घटनामा परेको हो।

दुर्घटनामा परेर १० जना घाइते भएका छन्। घाइतेहरूमा ४ जनाको अवस्था मध्यम रहेको भने ६ जनाको अवस्था सामान्य छ। गाडीले बाख्रालाई जोगाउने क्रममा अनियन्त्रित भएको थियो।

गाडीमा २५ जना यात्रु सवार थिए, र घाइतेहरूलाई तत्काल सहिद स्मृति अस्पताल चौपत्तामा उपचारका लागि लगिएको छ। अस्पतालका डाक्टरहरूले घाइतेहरूको स्वास्थ्य अवस्था परिक्षण गरिरहेका छन्।