देवचुलीमा तातो कुँडोमा दुर्घटना: ५ वर्षीय सुहान घाइते

नवलपुर न्युज

२०८१ कार्तिक १७, शनिबार प्रकाशित ( ७ महिना अघि) १३८८ पाठक संख्या

कावासोती । नवलपुरको देवचुली नगरपालिका ४ शान्तिगैरा टोलमा एक बालक तातो कुँडोमा परेर घाइते भएका छन्।

सुजन परियारको ५ वर्षीय छोरा सुहान परियार आज बिहान करिब साढे १० बजे आफ्नै घरको आँगनमा खेल्दै गर्दा अचानक तातो कुँडोमा परेर घाइते भएका हुन् ।

यस घटनामा सुहानलाई तातो कुँडोले शरीरमा पोलेको छ र उनीलाई तत्काल भरतपुर सरकारी अस्पताल, चितवनमा उपचारका लागि पठाइएको जिल्ला प्रहरी कार्यालय नवलपुरले जनाएको छ ।

जिल्ला प्रहरी कार्यालय नवलपुरका प्रहरी नायव उपरीक्षक जेसी शाहले घटनाबारे थप अनुसन्धान भइरहेको जानकारी दिएका छन्।