दाउन्नेमा सिडिओ श्रेष्ठसहितको टोली पहिरो पन्छ्याउन खटिए

नवलपुर न्युज

२०८१ आश्विन १५, मंगलबार प्रकाशित ( १ साल अघि) ५०६ पाठक संख्या

कावासोती । नवलपरासीको दाउन्ने क्षेत्रमा सडक भासिएपछि यातायात पूर्ण रूपमा अवरुद्ध भएको छ । भारी वर्षाका कारण बर्दघाट नगरपालिका ४ खुर्सानी खोलामा हाइटेन्सन लाइनको पोल ढलेको र सडक किनारको केही भाग भासिएको छ ।

प्रमुख जिल्ला अधिकारी स्किम श्रेष्ठसहितको टोली पहिरो पन्छ्याउन खटिएको छ र रातारात काम भईरहेको छ । यातायात अवरुद्ध हुँदा सयौँ यात्रु बीच बाटोमै रोकिएका छन्न ।

स्थिति सामान्य बनाउनका लागि सिडिओ श्रेष्ठले जिल्लाका सुरक्षा प्रमुखहरू, नारायणगढ–बुटवल सडक खण्ड आयोजनाका प्रमुख तथा ठेकेदारहरूलाई समन्वय गर्दै घटनास्थलमा उपस्थित भएकी छिन् ।

यो घटनाका कारण राजमार्गमा रहेका यात्रुहरू बीच बाटोमै रोकिएका छन् भने यातायात पुनः सञ्चालन गराउने कार्य तीव्र गतिमा अघि बढिरहेको छ।