कोल्हुवामा श्रीकृष्ण जन्माष्टमी भव्य रुपमा मनाइँदै

नवलपुर न्युज

२०८१ भाद्र ९, आईतबार प्रकाशित (२ हफ्ता अघि) २६६ पाठक संख्या

कोल्हुवा । कोल्हुवा स्थित राधा कृष्ण मन्दिरमा यस वर्षको श्रीकृष्ण जन्माष्टमी भव्य रुपमा मनाइँदैछ । स्थानियबासीले मौलिक धर्म संस्कार र संस्कृतिको संरक्षण गर्दै यस पर्वलाई विशेष रूपमा बनाउने तयारी गरेका छन् ।

कार्यक्रम भोलि भाद्र १० गते बिहान ८ बजे धार्मिक प्रवचन, पाठपूजा, ज्ञानमाला भजन, सामुहिक कृष्णपूजा, र भक्तजनहरुलाई जलपान तथा क्षीरभोजन गराउने योजना रहेको छ । साझ ८ बजेपछि धार्मिक सांस्कृतिक कार्यक्रम पनि हुनेछ ।

कार्यक्रममा सम्पूर्ण हिन्दु धर्मावलम्बीहरु, अन्य धर्मावलम्बीहरु, सामाजिक संघ संस्थाका प्रतिनिधीहरु, र संचारकर्मीहरुलाई आमन्त्रित गरिएको छ । आयोजक समितिले सबैलाई कार्यक्रममा उपस्थित भई सफल बनाउन अनुरोध गरेको छ ।