कावासोतीमा ८ लाख बढीको चोरी

नवलपुर न्युज

२०८१ श्रावण २३, बुधबार प्रकाशित (१ महिना अघि) ४८६ पाठक संख्या

कावासोती । नवलपुरको कावासोती १६ तिनघरे स्थित हुमलाल विकको घरमा चोरी भएको छ । घरमा कोही नभएको मौका पारी अपरिचित व्यक्तिहरुले मुलगेटको ताला फोरी नगद र गरगहना चोरी गरेका छन् ।

जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार, चोरीमा १ लाख ५० हजार नगद, पाँच तोलाबराबरको सुनका गरगहना, खुत्रुकेमा बचत गरेको रकम, र काँसका भाडाकुडा गरी ८ लाख बढीको सम्पत्ति चोरी भएको छ ।

हुमलाल विक आफ्नो दाजुको मृत्यु भएको घरमा कावासोती १ हात्तीखारमा गएका थिए । घटनास्थलमा प्रहरी पुगेर अनुसन्धान जारी रहेको छ ।