नवलपुरमा बेवारिसे शव फेला

नवलपुर न्युज

२०८१ अषाढ ७, बिहिबार प्रकाशित (४ महिना अघि) २०८५ पाठक संख्या

कावासोती । नवलपुरमा एक जना पुरुषको बेवारिसे शव फेला परेको छ । जिल्लाको देवचुली नगरपालिकामा – ६ मुण्डे कुमसोत सडक खण्डको जंगलमा एक जना पुरुषको बेवारिसे शव फेला परेको हो ।

बुधबार साँझ ५:३० बजे नाम थर वतन नखुलेको अन्दाजी ४५ बर्षको पुरुषको शव फेला परेको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलले जानकारी दिनुभयो ।

घटना कसरी भयो भन्ने विषयमा आवश्यक अनुसन्धान भइरहेको प्रहरीले जनाएको छ । शवलाई पोस्टमार्टमका लागि मध्यविन्दु जिल्ला अस्पताल डण्डामा राखिएको छ । मृतकको पहिचान भने हुन सकेको छैन ।