नवलपुरमा विषादी र डिजेल सेवन गर्दा २ जना नाबालक बिरामी

नवलपुर न्युज

२०८० चैत्र २६, सोमबार प्रकाशित (३ हफ्ता अघि) १७६ पाठक संख्या

कावासोती । नवलपुरमा एकजना बालकले डिजेल सेवन गर्दा गम्भीर बिरामी भएका छन् ।

विनयी त्रिवेणी गाउँपालिका ४ सिद्रेमा करिब ३ बर्षको बालकले डिजेल सेवन गर्दा गम्भीर विरामी भएका हुन् ।

सिद्रेका मनकुमारी सोमैका ३२ महिनाको छोरा सलुन सोमैले घरमा खेल्ने क्रममा डिजेल सेवन गरेको प्रहरीले जनाएको छ । विरामी बालकको मध्यविन्दु जिल्ला अस्पतालमा प्राथमिक उपचार पश्चात थप उपचारको लागि भरतपुर पठाइएको छ ।

त्यसैगरी कावासोती ३ अठ्ठाइस विगाहामा १३ महिने मनिष सुनार घरमा खेल्ने क्रममा धानमा प्रयोग गर्ने विषादी सेवन गर्दा विरामी भएको जिल्ला प्रहरी कार्यालय नवलपुरले जनाएको छ । बिरामी परेका दुवै बालकको नयाँ मेडिकल कलेज भरतपुर ल्याई उपचार भईरहेको छ ।