कोल्हुवाको न्यू ज्ञान ज्योतिका अभिभावकलाई उद्घोषण तालिम

नवलपुर न्युज

२०८० माघ २६, शुक्रबार प्रकाशित (३ महिना अघि) ८०१ पाठक संख्या

कोल्हुवा । नवलपुरको मध्यविन्दु नगरपालिका वडा नम्बर २ मा रहको न्यू ज्ञान ज्योति बोडिङ स्कुलले अभिभावका लागि उद्घोषण तालिम प्रदान गरेको छ । स्कुलले आफ्नो अभिभावकको क्षमता विकासका लागि तालिम प्रदान गर्न लागेको प्रिन्सिपल दिपक भण्डारीले बताउनुभयो ।

आइतबारसम्म जारी रहने तालिममा उद्घोण सहित अभिभावकको क्षमता विकासलाई केन्द्रित गरि तालिम प्रदान गरिने प्रिन्सिपल भण्डारीले बताउनुभयो ।

स्कुलमा गुणस्तरिय शिक्षा, प्रविधिमैत्री शिक्षालाई जोड दिँदै नयाँ व्यवस्थापनका साथ आफूहरु लागेको र विद्यार्थी सहित अभिभावकको समेत क्षमता विकास गर्ने योजना अनुसार तालिम राखिएको उहाँले बताउनुभयो । स्कुलले नयाँ कार्ययोजना निर्माण गरे अनुसर विद्यार्थीलाई अब्बल र सिप र प्रविधिमा दक्ष बनाउने साथै अभिभावकको समेत क्षमता विकास गर्ने सहति विभिन्न योजना अगाडी सारेको प्रिन्सिपल भण्डारलीले बताउनुभयो ।

तालिमको अनवलोकनका क्रममा मध्यविन्दु नगरपालिका वडा नम्बर २ का वडा अध्यक्ष रामभक्त अधिकारीले विद्यार्थी सहित अभिभावकलाई समेत दक्ष बनाउने विद्यालयको योजना सराहनिय रहेको बताउनुभयो। विद्यार्थीलाई दक्ष बनाउन विद्यालयको जति योगदान रहन्छ अभिभावकको समेत उतिकै योगदान रहने हुँदा दक्ष र सहज रुपमा कुरागर्न सक्ने ,संवाद गर्न सक्ने अभिभावकले आफ्ना बालबालिकाको विकासमा समेत सहज रुपमा सहजिकरण गर्न सक्ने हुँदा तालिम प्रभावकारी हुने उहाँले बताउनुभयो ।

कक्षा आठ सम्म अध्यापन हुने मध्यविन्दु नगरपालिका –२, कोल्हुवामा रहेको न्यू ज्ञान  ज्योति बोडिङ स्कुलले विद्यार्थीको ज्ञान,सीप, व्यवहारिक ज्ञान, प्रविधिको सहज प्रयोग सहितका पाटोलाई मध्यनजर गरि अघि बढेको विद्यालयले जनाएको छ । कम्प्युटर शिक्षालाई समेत प्राथमिकतामा राखेर कक्षा संचालन गर्ने गरि व्यवस्थापन गरेको विद्यालयले बताएको छ ।