२०८१ बैशाख २९, शनिबार
१२४८ पाठक संख्या देवचुली । नवलपुरमा गैंडाको आक्रमणबाट एक जना घाइते भएका छन् । गैंडाको आक्रमणबाट देवचुली – १० बस्ने ६० वर्षीय ठगिसरा सुनारी मगर घाइते भएकी हुन् ।
देवचुली – १० पृथ्वीनगर स्थित लोकाहा खोलाको किनारमा बाख्रा चराउने क्रममा सुनारीलाई गैंडाले आक्रमण गरेको प्रहरीले जनाएको छ ।
घाईते सुनारीको बायाँ गाला, दायाँ खुट्टा र दुवै पाखुरामा चोट रहेको साथै देवचुली अस्पताल दलदलेमा उपचारपछि थप उपचारका लागि भरतपुर पठाइएको देवचुली वडा नम्बर १० का वडा अध्यक्ष रेप्तीकुमार घर्ती मगरले जानकारी दिए ।
उक्त क्षेत्रमा पटकपटक गैंडाको आक्रमणबाट जनधनको क्षति हुनुका साथै बालीनालीमा समेत क्षति पुर्याएको घर्ती मगरले बताए ।
नवलपुर सञ्चार प्रा. लि. द्वारा संचालित
सूचना विभागमा दर्ता नं. : २५७० – २०७७/२०७८
स्थायी लेखा नं : ६०९७७९९६९
वेबसाइट: nawalpurnews.com
इमेल: [email protected]
फोन नम्बर:+977-9851135484, 9807572268
सम्पर्क ठेगाना: मध्यबिन्दु, नवलपुर
