नवलपुरमा आगो ताप्ने क्रममा एक वृद्धा घाइते

नवलपुर न्युज

२०८० माघ ३, बुधबार प्रकाशित (३ महिना अघि) १८०७ पाठक संख्या

कावासोती । नवलपुरमा आगो ताप्ने क्रममा एक वृद्धा घाइते हुनुभएको छ । गैँडाकोट नगरपालिका वडा नम्बर २ श्रीनगर टोल बस्ने ८० वर्षीया गंगादेबी पौडेल घाइते हुनुभएको हो ।

बिहान करिब ९ बजे आगो ताप्ने क्रममा शरीरको कपडामा आगो सल्कन जाँदा उहाँ घाइते हुनुभएको हो ।

उहाँको बाँया हात खुट्टा र कोखमा गरी ३० प्रतिशत जलेको भरतपुर अस्पताललाई उदृत गर्दै इलाका प्रहरी कार्यालय गैँडाकोटका प्रमुख, प्रहरी निरीक्षक हस्तबहादुर सुनारले जानकारी दिनुभयो ।

घाईते पौडेलको अहिले पनि भरतपुर अस्पतालमा उपचार भइरहेको छ । उहाँको उपचारमा आफन्त संलग्न रहेको जनाउँदै उहाँले घटनाको अनुसन्धान समेत भईरहेको बताउनुभयो ।