मध्यविन्दुमा ‘हाम्रो खुसी’ पाठ्यक्रम आगामी शैक्षिक सत्रबाट लागु हुने

नवलपुर न्युज

२०८० पौष २१, शनिबार प्रकाशित (३ महिना अघि) ६७१ पाठक संख्या

मध्यविन्दु । नेपालमै पहिलो पटक नवलपुरको मध्यविन्दु नगरपालिकाले विद्यार्थी, अभिभावक र शिक्षकलाई मध्यनजर गर्दै ‘हाम्रो खुसी’ पाठ्यक्रम निर्माणको काम अन्तिम चरणमा पुगेको छ ।

त्यसका लागि गृहकार्यलाई तीव्रता दिँदै मध्यबिन्दु नगरपालिकाले ‘हाम्रो खुसी’ पाठ्यक्रम सम्बन्धी सरोकारवालाहरूसँग अभिमुखिकरण तथा कार्यशाला कार्यक्रम सुरु गरेको हो।

शुक्रबार देखि नगरपालिकामा ‘हाम्रो खुसी’ पाठ्यक्रम सम्बन्धमा सरोकारवालाहरु लागि अभिमुखिकरण तथा कार्यशाला शुरु भएको छ ।  हाम्रो खुसि पाठ्यक्रम  निमार्ण आगामी वर्षमा लागुहुने गरी तिब्र तयारी स्वरुप विभिन्न चरणमा कार्यक्रमलाई निरन्तरर्ता दिदै आएको नगर प्रमुख भिमलाल अधिकारीले बताउनुभयो ।

गत वर्ष देखि सुरु भएको पाठ्यक्रम निमार्णले आगामी शैक्षिक सत्र २०८१ मा लागु हुने गरी तयारी तिब्र गएको अधिकारीको भनाई छ । हाम्रो खुसि पाठ्यक्रम सिकाई संगै मानव खुसि, व्यवहारीक जीवन, सभ्यतासंग जोडिएकाले यो अभियानलाई मुर्त रुप दिन नगर अघि सरेको कुरामा उँहाले जोड दिनुभयो ।

त्यस्तै नगरको अभियान स्वरुप शिक्षकहरु लागी परेको बताउँदै आफ्ना अविभाबकलाई पनि यस बारे बुझाउन अभियान टोलिलाई उहाँले आग्रह समेत गर्नुभयो । यसले गर्दा पाठ्यक्रम संञ्चालनमा टेवा पुग्ने विश्वास व्यक्त गर्नुभयो ।

नगरको विकासका योजना मध्य शिक्षा विकासको यो अभियान निकै व्यवहारिक रहेको र नगरको यो गौरबको विषय रहने नगर प्रशासकिय प्रमुख रमेश घर्तिले बताउनुभयो ।

नगरमा गत वर्ष देखि सञ्चालित विभिन्न कार्यक्रमबाट शिकाईमा व्यवहारीक ज्ञान ल्याउने अभियान स्वरुप कक्षा १ देखि ८ सम्मको लेखन काम करिब सम्पन्न गरेको पाठ्यक्रम अध्ययन तथा अनुसन्धान केन्द्रका संयोजक हरि देबकोटाले बताउनुभयो ।

कार्यशालाको पहिलो दिन नगर कार्यपालिका सदस्यहरु, नगरका सबै विद्यालयका  प्रधानन्यापकहरु, विद्यालय व्यवस्थापन समितिका, वडा शिक्षा समितिका संयोजक तथा प्रतिनिधि, विषय शिक्षक र नगर शिक्षा समिति पाठ्याक्रमलेखन तथा सम्पादन मण्डलहरुको सहभागीता रहेको थियो ।

कार्यक्रम २५ गते सम्म सञ्चालन रहने छ । विद्यार्थीमा संवेदनशील भावनाको विकास र पारिवारिक सम्बन्ध विस्तारका लागि यो पाठ्यक्रम कोशेढुंगा साबित हुने नगरपालिकाको विश्वास छ । मध्यविन्दु नगरपालिकामा सामुदायिक र संस्थागत गरी ६४ वटा विद्यालय छन् ।