नवलपुरमा फेला पर्‍यो मानव कंकाल

नवलपुर न्युज

२०८० पौष ४, बुधबार प्रकाशित (४ महिना अघि) ३१६९ पाठक संख्या

कावासोती । नवलपुरमा मानव कंकाल फेला परेको छ ।
मंगलबार दिउँसो करिब ४:२० बजेको समयमा कावासोती नगरपालिका – १७ बरौलीस्थित मुस्कान होटेल पछाडि खेतमा रहेको शिरुको झाङमा मानव कंकाल फेला परेको हो ।

उक्त कंकाल माथि सेतो धर्का परेको सर्ट र तल कालो कपडाले बेरिएको अवस्थामा फेला परेको जिल्ला प्रहरी कार्यालय नवलपुरका सूचना अधिकारी एवम् प्रहरी निरीक्षक साजन कुमार शर्माले बताउनुभयो ।

स्थानीयले कंकाल देखेपछि प्रहरीलाई खबर गरेका थिए । घटनाको बारेमा आवश्यक अनुसन्धान गरिरहेको प्रहरीले जनाएको छ ।