कोल्हुवा खानेपानीको १०औं वार्षिक साधारण सभा सम्पन्न

नवलपुर न्युज

२०८० पौष १, आईतबार प्रकाशित (५ महिना अघि) ३५५ पाठक संख्या

मध्यविन्दु । नवलपुर मध्यविन्दु – २ स्थित कोल्हुवा खानेपानी तथा सरसफाई उपभोक्ता संस्थाको १०औं साधारणसभा सनिवार सम्पन्न भएको छ ।

संस्थाका कार्यवाहक अध्यक्ष सुभाष चन्द नेपालको अध्यक्षतामा भएको कार्यक्रममा गण्डकी प्रदेश सरकारको उर्जा, जलश्रोत तथा खानेपानी मन्त्री माननीय सरस्वती तिवारी अर्यालको प्रमुख अथित्यतामा सम्पन्न भएको हो ।

कार्यक्रममा बोल्दै प्रमुख अतिथी मन्त्री अर्यालले सफा र स्वस्थ खानेपानिको लागि सधै अघि बडिरहेको बताउनुभयो । संस्थाले सधै गुणस्तरीय पानि उपभोक्तालाई उपलब्ध गराउर्नु पर्ने बताउदै, विकासका काममा सबै दल एकै ठाउँमा भएर आएको खण्डमा आफ्नो मन्त्रालयबाट सक्दो सहयोग गर्ने प्रतिवद्धता व्यक्त गर्नुभयो ।

सो कार्यक्रममा गण्डकी प्रदेश सभा सदस्य माननीय पदमा जिसी श्रेष्ठ , पूर्व अध्यक्ष एवं गण्डकी प्रदेश खेलकुद परिषद् सदस्य सचिव श्रीधर शर्मा , नवलपुर जिल्ला समन्वय समिति सदस्य लोकनाथ अर्याल , नवलपुर खानेपानी महासङ्घका अध्यक्ष खिमानन्द भुसाल, वडाअध्यक्ष तिलकराम न्यौपाने, वडाअध्यक्ष रामभक्त अधिकारी,  पूर्व वडा अध्यक्ष नारायण पौडेल लगायतले मन्तव्य व्यक्त गरेका थिए । उक्त साधारण सभामा आफ्नो आफ्नो शुभकामना मन्तव्य राख्ने क्रममा कोल्हुवा खानेपानीले यहाँ सबैलाई पर्याप्त , स्वच्छ पानी पुर्याउन निरन्तर लागेकोमा थप शुभकामना दिएका थिए । साथै अब जति सक्दो चाँडै अधिवेशन गर्नु पर्ने कुरामा वक्ताहरुले जोड दिएका थिए ।

कार्यक्रममा संस्थाको अध्यक्ष सुभाष नेपालले संस्थाका प्रतिवेदन तथा भावि योजनाबारे जानकारी गराउनु भएको थियो । कार्यक्रमको स्वागत मन्तवय कार्यसमितिको सदस्य तारा देवी सिग्देलले गर्नु भएको थियो । भने कार्यक्रमको सहजीकरण संस्थाको सचिव सरस्वती पन्थीले गर्नुभएको हो ।

त्यस्तै उक्त सभामा लेखा समितिका संयोजक नेत्र प्रसाद भण्डारीले लेखा प्रतिबेदन प्रस्तुत गर्नु भएको थियो । कार्यक्रममा जनप्रतिनिधिहरु, वडा अध्यक्षहरु, बुद्धिजीवी, नेपाल प्रहरी, समाजसेवी ,सामाजिक अगुवाहरू तथा उपभोक्ता स्थानीयबासीको उपस्थितिमा साधारण सभा सम्पन्न भएको थियो।