नवलपुरमा बाघको आक्रमणबाट एकजना गम्भीर घाइते

महेन्द्र चापागाई

२०८० जेष्ठ १, सोमबार प्रकाशित ( ३ साल अघि) ५१६४ पाठक संख्या

कावासोती । नवलपुरमा बाघको आक्रमणबाट एकजना वनपाले गम्भीर घाइते भएका छन् ।

विनयीत्रिवेणी गाउँपालिका–४ मा बाघको आक्रमणबाट वन हेरालु घाइते भएका हुन् ।

मणिमुकुन्द सामुदायिक वनका हेरालु ( वन रक्षक) ४० वर्षका योगबहादुर पल्लीलाई आक्रमण गरेको जिल्ला प्रहरी कार्यालय नवलपुरका डिएसपी सन्तोष पाठकले बताए । वन रक्षकलाई वन क्षेत्रमा नै बाघले आक्रमण गरेको हो ।

घाइते पल्लीलाई मध्यबिन्दु जिल्ला अस्पतालमा उपचारको लागि ल्याएको भए पनि थप उपचारका लागि पुरानो मेडिकल कलेज चितवन रिफर गरिएको छ।