नागरिकता प्राप्तिका लागि जिल्ला प्रशासन कार्यालय जाँदै रवि लामिछाने

नवलपुर न्युज

२०७९ माघ १५, आईतबार प्रकाशित (१ साल अघि) ५२१ पाठक संख्या

रवि लामिछाने नेपाली नागरिकताको प्रमाणपत्र लिन आज जिल्ला प्रशासन कार्यालय काठमाडौं जाने भएका छन् । आइतबार जिल्ला प्रशासन कार्यालय काठमाडौं पुगेर उनले नेपाली नागरिकता लिने प्रक्रिया सुरु गर्न लागेका हुन् ।

लामिछानेका सहयोगी दिपक बोहराका अनुसार लामिछाने नागरिकता लिने प्रयोजनका लागि ११ बजे प्रशासन कार्यालयमा जाने भएका हुन् ।

लामिछानेले अमेरिकी नागरिकता त्यागे पनि नेपाली नागरिकता पुनस् प्राप्तिका लागि प्रक्रिया पूरा गरेका थिएनन् । सर्वोच्च अदालतले लामिछानेलाई नागरिकता विवादमा दोषी देखाएपछि पार्टी सभापति, सांसद र उपप्रधान तथा गृहमन्त्री पद एकै पटक गुमेको थियो ।