आजदेखि निर्वाचन आचारसंहिता हट्यो

नवलपुर न्युज

२०७९ मंसिर २६, सोमबार प्रकाशित (१ साल अघि) ४४४ पाठक संख्या

मंसिर ४ गतेको प्रतिनिधिसभा र प्रदेशसभा निर्वाचनका लागि गत असोज १२ गतेदेखि देशभर लागू भएको आचारसंहिता आज ९सोमबार०देखि हटेको छ ।

निर्वाचन आयोग ऐन २०७३ को दफा २२ ले दिएको अधिकार प्रयोग गरी जारी गरिएको निर्वाचन आचारसंहिता २०७९ को दफा १ को उपदफा २ बमोजिम मुलुकभर लागू रहेको आचारसंहिता मंसिर २६ गतेदेखि लागू नरहने आयोगले निर्णय गरेको हो ।

आचारसंहिता निष्क्रिय भएकोबारे जानकारी प्रधानमन्त्री तथा मन्त्रिपरिषद्को कार्यालय, सम्पूर्ण मन्त्रालयहरू तथा संवैधानिक निकायहरूमा गराइएको आयोगले जनाएको छ ।

नेपाल सरकारले गत साउन १९ गते प्रतिनिधिसभा सदस्य निर्वाचन ऐन, २०७४ को दफा ६ को उपदफा १ तथा प्रदेशसभा सदस्य निर्वाचन ऐन, २०७४ को दफा ६ को उपदफा ९१० बमोजिम संवत् २०७९ साल मंसिर ४ गते आइतबार सम्पन्न गर्ने गरी निर्वाचनको मिति तोकिएको थियो ।आयोगका प्रवक्ता शालिग्राम शर्मा पौडेलले ​नेपाल सरकार, प्रधानमन्त्री तथा मन्त्रिपरिषद्को कार्यालय, सम्पूर्ण मन्त्रालय तथा संवैधानिक निकायमा यसबारे जानकारी गराएको बताए।