नन्दभाउजु ऐतिहासिक ताल संरक्षणमा वडाध्यक्षको चासो

नवलपुर न्युज

२०७९ मंसिर १५, बिहिबार प्रकाशित (१ साल अघि) ९७० पाठक संख्या

कोल्हुवा । वडा अध्यक्ष मानबहादुर महतोले ईटौराको मध्यविन्दु नगरपालिका –३ मा रहेको नन्दभाउजू ऐतिहासिक ताल संरक्षणमा चासो देखाएका छन् ।

मध्यबिन्दु नगरपालिकाको आयोजनामा बुधबार ताल निरीक्षण सँगै तालको विस्तृत अध्ययन प्रतिवेदन ( डिपिआर) तयारि गरिँदैछ ।

मध्यविन्दु – ३ का वडाअध्यक्ष मानबहादुर महतोले निर्मम भएर सम्पदा संरक्षणमा लाग्ने प्रतिवद्धता जनाए । ऐतिहासिक ताल हाम्रो प्रमुख गहना हो । यसलाई जोगाउन सके मात्रै आन्तरिक तथा बाह्य पर्यटक आउँछन्,’ उनले भने, ‘ताल पनि नमासिने, जनता पनि नआत्तिने योजनाका साथ तालको संरक्षण गर्छौं ।’

बजेट अभाव, राजनीतिक फेरबदल जस्ता कारणले यस तालको विस्तृत अध्ययन प्रतिवेदन (डिपिआर) तयार हुन नसक्दा ऐतिहासिक बोकेको पुरानो तालको दिगो विकासमा समस्या भएको स्थानीयले बताउँछन् ।

तालको प्रवर्द्धन गरी व्यवस्थित पार्न सके यो स्थानमा आकर्षक आन्तरिक पर्यटकीय गन्तव्य बन्न सक्ने छ ।