कावासोतीमा आफैँले चलाएको ट्याक्टरले च्यापेर चालकको मृत्यु

नवलपुर न्युज

२०७९ जेष्ठ ३०, सोमबार प्रकाशित (१ साल अघि) ९५५ पाठक संख्या

कावासोती । नवलपुरमा सवारी दुर्घटनामा परी एक जनाको मृत्यु भएको छ । मृत्यु हुनेमा कावासोती १७ निवासी ५५ वर्षीया शान्तिनाथ महता रहेका छन् ।

कावासोती १७ गोछडाटार निवासी खुसीराम थनेतको खेतबाट मकैको ढोड लोड गरी फर्कने क्रममा ना ७ त ३७७५ ट्याक्टर फस्न गई अचानक ढाला पल्टिएर चालकको मृत्यु भएको नवलपुर प्रहरीले जनाएको छ ।

दुर्घटनामा परी गम्भीर घाइते चालकको उपचारका लागि मध्यविन्दु जिल्ला अस्पताल डण्डामा लगिएकोमा डाक्टरले मृत घोषणा गरेका थिए ।