चोरमारामा मोटरसाइकल दुर्घटना हुँदा एक युवकको मृत्यु

नवलपुर न्युज

२०७८ कार्तिक १४, आईतबार प्रकाशित (२ साल अघि) ३६०६ पाठक संख्या

कावासोती । नवलपुरको मध्यविन्दु ७ चोरमारामा मोटरसाईकल दुर्घटना हुँदा गम्भीर घाईते भएका एक युवकको निधन भएको छ ।

मोटरसाईकल दुर्घटना हुँदा घाईते भएका चोरमारा निवासी ३० बर्षीय नेत्र बहादुर मिधुनको मृत्यु भएको हो ।

गण्डकी प्रदेश ००१–०४ प २७४८ नम्बरको मोटरसाईकल चोरमाराबाट अम्रसा जाने क्रममा बाटोमा रुखमा ठोकिएर दुर्घटना भएको तम्सारिया प्रहरी चौकीले जनाएको छ ।

दुर्घटना लगतै प्रहरीले उद्वार गरि मध्यविन्दु जिल्ला अस्पताल लगिएकोमा अस्पतालले मृत घोषणा गरेको अस्पतालका सूचना अधिकारी छबिलाल सुवेदीले जानकारी दिनुभयो ।