२०७८ कार्तिक १०, बुधबार
नयाँ
पछिला अपडेट

नवलपुरमा कांग्रेसको वडा अधिवेशन भदौ २१ गते हुने

२०७८ भाद्र १६, बुधबार प्रकाशित ( महिना अघि) ९२६ पाठक संख्या

कावासोती । नेपाली कांग्रेसले भदौ १८ गते देशभर एकैदिन वडा तहको वडा अधिवेशन गर्ने भनेपनि नवलपुरमा भने निर्धारित मितीभन्दा ढिला हुने भएको छ ।

अधिवेशनको लागि आवश्यक तयारी नपुगेको भन्दै २१ गते एकैदिन जिल्लाका सबै वडामा अधिवेशन गर्ने निर्णय भएको नेपाली कांग्रेस नवलपुरका सचिव बालकृष्ण घिमिरेले जानकारी दिनुभयो ।

Thanet

उहाँले भन्नुभयो,“वडा तहको अधिवेशनका लागि तयारी पुगेको छैन्, केन्द्रमा पनि १८ गर्ने कि २२ गर्ने भन्ने अन्यौल छ, हामीले २१ गते जिल्लाका बसै वडामा एकैदिन अधिवेशन गर्ने निर्णय गरेका छौं ।

निर्वाचन अधिकृत गोविन्द सिग्देलको उपस्थितिमा बसेको बैठकले भदौ २१ गते वडा अधिवेशन गर्ने निर्णय गरेको घिमिरेले बताउनुभयो ।

जिल्ला कार्य सम्पादन समितिको बैठकले नै आवश्यक तयारी नपुगेकाले तीन दिन पछि सार्दै २१ गते वडा तहको अधिवेशन गर्ने निर्णय भएको नेपाली कांग्रेस नवलपुरका सभापति विष्णु लामीछानेले बताउनुभयो ।

त्यस्तै मंसिर ९ गतेदेखि १३ गतेसम्म १४औं महाधिवेशन गर्ने गरी नयाँ कार्यतालिका सार्वजनिक गरेको नेपाली कांग्रेसले तल्लो तहको अधिवेशन भदौ १८ देखि कात्तिक १२ गतेसम्मा सम्पन्न गर्ने जनाएको छ ।

जसअनुसार भदौ १८ मा वडा अधिवेशन, भदौ २७ मा गाउँ÷नगर अधिवेशन, असोज १ मा प्रदेशसभा क्षेत्रीय अधिवेशन गरिनेछ ।

प्रतिनिधिसभा क्षेत्रीय अधिवेशन र एक मात्र प्रतिनिधिसभा निर्वाचन क्षेत्र भएको जिल्ला अधिवेशन असोज ५ गते र एकभन्दा बढी प्रतिनिधिसभा क्षेत्र भएको जिल्ला अधिवेशन असोज १० गते सम्पन्न गर्ने र प्रदेश अधिवेशन कात्तिक १० देखि १२ गतेसम्म गर्ने कांग्रेसको कार्यतालिका रहेको छ ।

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित
३%१%३%

प्रतिक्रिया दिनुहोस