२०८० चैत्र १५, बिहिबार
नयाँ
पछिला अपडेट

क्रियाशील सदस्यता विवाद तीन दिनभित्र टुङ्गो लगाउने सहमति

२०७८ श्रावण २०, बुधबार प्रकाशित ( साल अघि) १३६८ पाठक संख्या

काठमाडौं । नेपाली कांग्रेसका शीर्ष नेताहरूबीच तीन दिन भित्र क्रियाशील सदस्यता सम्बन्धी विवाद टुङ्गो लगाउने सहमति भएको छ । कांग्रेसका शीर्ष नेताहरू सभापति शेरबहादुर देउवा, वरिष्ठ नेता रामचन्द्र पौडल र नेता कृष्णप्रसाद सिटौलाबीच बुधबार भएको छलफलमा क्रियाशील सदस्यताका सम्बन्धमा पार्टी देखिएको विवाद ३ दिनभित्र समाधान गर्ने गरी छलफललाई निरन्तरता दिने सहमति भएको हो ।

सभापति देउवाको बूढानीलकण्ठस्थित निवासमा बसेको बैठकमा अन्य पार्टीबाट काग्रेस प्रवेश गरेका नेता, कार्यकर्ताहरूलाई कसरी क्रियाशील सदस्यता वितरण गर्ने भन्ने विषयमा छलफल भएको क्रियाशील सदस्यता छानबिन समितिका संयोजक समेत रहेका नेता रमेश लेखकले जानकारी दिए ।
उनका अनुसार बैठकमा नेताहरूबीच आसन्न पार्टीको १४ औँ महाधिवेशनको कार्यतालिका पनि दुई दिनभित्र टुङ्गो लगाउने विषयमा छलफल भएको थियो ।

नेपाली कांग्रेसको १४ औँ महाधिवेशन भदौ १६ देखि १९ गतेसम्म काठमाडौंमा गर्ने तय गरिएको छ ।

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित
५%३%

प्रतिक्रिया दिनुहोस