नवलपुरको मध्यविन्दुमा उत्कृष्ट दुध उत्पादक कृषकलाई क्यान वितरण

निशा भण्डारी

२०७८ जेष्ठ १२, बुधबार प्रकाशित (२ साल अघि) १८५९ पाठक संख्या

चोरमारा । नवलपुरको मध्यविन्दु नगरपालीकाका उत्कृष्ट २८ कृषकलाई नगरपालीकाद्धारा दुधको क्यान वितरण गरिएको छ ।

कृषकसंग संमृद्धि’अभियान अन्तर्गत नगरको बार्षिक कार्यक्रम अनुसार पशुसेवा शाखाको सिफारिसमा नगरले उक्त क्यान बितरण गरेको उप-प्रमुख ओमकुमारी महतोले जानकारी दिनुभयो ।

नगरमा रहेका ५ वटा दुध उत्पादक सहकारी संस्थामा आवद्ध भएका २८ उत्कृष्ट दुध उत्पादक कृषकलाई संस्था मार्फत वितरण गरिएको नगरपालीकाका पशुसेवा शाखा प्रमुख ज्ञान प्रसाद भट्राईले जानकारी दिनुभयो।

उहाँका अनुसार कृषकलाई नयाँ उत्साह, जोशजागर र किसानमा क्षमता अभिवृद्धि गर्दै दिगो दुध उत्पादन प्रणाली सुनिश्तिच गर्नको लागि किसानलाई क्यान वितरण गरिएको बताउनुभयो । संस्थाले सोहि अनुरुप कृषकहरुलाई छनोट गरी केन हस्तान्तरण गरेको हो ।

त्यस्तै नगरपालिकाले पछिल्लो समयमा कृषकलाई कृषि तर्फ आकर्षण गराउन गोठ सुधार कार्यक्रमलाई निरन्तरता दिरहेको छ भने केहि महिना अघि पिपिआर रोग विरुद्द्यको भ्याक्सिन लगाउने काम सम्पन्न गरेको थियो ।

त्यस्तै अब छिट्टै डालेघाँसका विरुवा पनि निःशुल्क रूपमा वितरण गर्ने तयारी भईरहेको पशुसेवा शाखाका प्रमुख भट्राईले नवलपुर न्युजलाई जानकारी दिनुभयो।