पूर्वी क्षेत्रमा केन्द्रित हुन थाल्यो मनसुनी वर्षा

नवलपुर न्युज

२०७९ जेष्ठ २९, आईतबार प्रकाशित (१ साल अघि) ११९३ पाठक संख्या

पूर्वी क्षेत्रमा केन्द्रित मनसुनी वर्षा अन्य क्षेत्रमा पनि विस्तार हुन थालेको छ । मौसम पूर्वानुमान महाशाखाका अनुसार पछिल्लो २४ घण्टामा प्रदेश–१ र मधेश प्रदेशका धेरै क्षेत्रमा वर्षाको आँकलन छ ।

त्यस्तै, बागमती, गण्डकी र कर्णालीका केही स्थान तथा अन्य प्रदेशका पहाडी भू–भागका थोरै स्थानमा हल्कादेखि मध्यम वर्षाको सम्भावना रहेको महाशाखाले जनाएको छ ।

आज दिउँसो प्रदेश १, मधेश, बागमती, गण्डकी प्रदेश र कर्णालीका केही स्थान तथा अन्य प्रदेशका पहाडी भूभागका थोरै स्थानमा हल्कादेखि मध्यम वर्षाको सम्भावना छ ।