२०८१ बैशाख ६, बिहिबार
७१५ पाठक संख्या कावासोती । पेट्रोलियम पदार्थमा भएको मूल्यवृद्धि फिर्ताको माग गर्दै बन्द गराउन हिँडेका विप्लव नेतृत्वको नेकपाका ६ कार्यकर्तालाई प्रहरीले पक्राउ गरेको छ ।
चोरमारा बजारमा आज बिहान बन्द गराउंदै हिडेका नेपाल कम्युनिष्ट पार्टी विप्लव समुहका २ जिल्ला सदस्यसहित ६ कार्यकर्तालाई पक्राउ गरिएको जिल्ला प्रहरी कार्यालय नवलपुरले जनाएको छ ।
पक्राउ पर्नेमा जिल्ला सदस्यद्वय धनबहादुर मगर, विरबहादुर थापा मगर छन् । त्यसैगरी पक्राउ पर्ने अन्यमा नरेन्द्रमान मुखिया, दीपक कुंवर, दीपक विक र मंगलसिंह कुमाललाई नियन्त्रणमा लिएको प्रहरीले जनाएको छ । उनीहरू सबै मध्यविन्दु नगरपालिकाका हुन् ।
जिल्लामा प्रहरी कार्यालय तथा इलाका प्रहरी कार्यालयबाट प्रहरीहरू पूर्व–पश्चिम राजमार्ग तथा बजारका चोकचोकमा बाक्लो मात्रामा परिचालित भएका छन् ।
प्रहरीले शान्ति सुरक्षाका लागि राजमार्गमा स्कर्टिङ गरी रोकिएका सवारीसाधनहरूलाई गन्तव्यसम्म पुर्याएको छ ।
नवलपुर सञ्चार प्रा. लि. द्वारा संचालित
सूचना विभागमा दर्ता नं. : २५७० – २०७७/२०७८
स्थायी लेखा नं : ६०९७७९९६९
वेबसाइट: nawalpurnews.com
इमेल: [email protected]
फोन नम्बर:+977-9851135484, 9807572268
सम्पर्क ठेगाना: मध्यबिन्दु, नवलपुर
