२०८० चैत्र १५, बिहिबार
नयाँ
पछिला अपडेट

चितवनमा कोरोनाबाट आज चार जनाको मृत्यु, १८५ जना नयाँ संक्रमित थपिए

२०७८ श्रावण १४, बिहिबार प्रकाशित ( साल अघि) ५९१ पाठक संख्या

चितवनमा आज एकैदिन कोरोना संक्रमणबाट चार जनाको मृत्यु भएको छ ।

स्वास्थ्य कार्यालय चितवनले उपलब्ध गराएको तथ्यांक अनुसार चितवनका दुई जना, नवलपरासी र तनहुँको एक एक जनाको भरतपुर अस्पतालमा निधन भएको हो । योसँगै चितवनमा ३२७ जना कोरोना संक्रमित बिरामीको मृत्यु भएको छ ।

चितवनका विभिन्न अस्पतालमा कोरोना संक्रमणका २१३ जना बिरामीको उपचार भइरहेको छ । जसमध्ये आईसीयूमा ७५ जना, भेन्टिलेटरमा १२ जना, एचडीयूमा ५० जना र जेनरल बेडमा ८८ जनाको उपचार भइरहेको छ । त्यस्तै विगत २४ घण्टामा १९ जना कोरोना संक्रमित बिरामी डिस्चार्ज भएका छन् ।

त्यसैगरी आज चितवनमा १८५ जना कोरोना संक्रमित थपिएका छन् । जसमा भरतपुर महानगरपालिकामा १४८ जना, खैरहनीमा १ जना, माडीमा १३ जना, रत्ननगरमा १६ जना, कालिकामा ६ जना र इच्छाकामनामा एक जना रहेका छन् । चितवनमा सक्रिय संक्रमितको संख्या दुई हजार ३० पुगेको छ ।

तपाइंलाई यो खबर पढेर कस्तो लाग्यो? मन पर्यो
मन पर्योखुशीअचम्मउत्साहितदुखीआक्रोशित

प्रतिक्रिया दिनुहोस